Hunlenite hong kihei zel in hunte hong mualliam a akhente khual zin bang akhente nasem bang huchih lai in keileng naupang khawmpi a hohding in kong kisa hi.Huchia naupang khawmpi ah kong hohta uhi .Huai lai ahih leh Tipaimukh road lut lai ahi a Leizangphai kual khong nuam mahmah hi,bangteng kim chih theih phial hi. Vai mahajonte lah dim chihding ahi mai hi .Huchi in Leizangphai ah naupang khawmpi a hong om phetmah hi. Huai lai a Child Co-ordinator ahih leh heutupa Vungzamuan ahi a, naupang te nopsak nang theimah mah mai hi nuam sak in kisak phet mah hi .Huchia khompi bang zang zota aki hihman un innlam kahong paita uhi ,sainouzang leh pamzal tou chu himai nisatdan chu agen didan le omtuanlou himai saphet mah.Huchia hongpai zel in Kaihlam khua tunding bangchu kingak lah himai huchia kongpai pai chiang un gamgi a gintaklouh pi a thu kiza ta,bang thuhiam chia e kan leh Saikul ah thahdouten imi isate tampi hon na thah sak uh kidou kipan hita huaiziak a hiai mun a duty a om ka hi uh chita mai uh enlah kidou cih le kithei nailou huailai achu. Hilele lung a kilung kham mai lau a kilau mai keile hon na thatkha di ua aw chih bang ki ngaih tuahtuah mai.Huaini a pat chu buai kipan ahi mai a, ani ani in buai chu hong kisan deuhdeuh mai hi.
Nikhat chu nitak lam hita THANLON I etsuk leh hongkhu luailuai mai chu kuamah alungphong lou ki omlou hi aneu alian chih omlou in ki en sepsup mai hi, ei khua bangchik chiah hong kang de aw chih I ngaihtuah na ahi mai hi huaini a patchu,ivan neih te kawlbuk khong ah kisel khe zel hi huaizawh chiang in kimuang deuh cih chiang in vaki lalut zel a zawhhmeng nounei mah kibang hi.i ngaihtuahna a om ahihleh bang cikciah khua hongkang de aw chih chauh ngaih tuah na ah hongom mai ta hi.Huchiin nitak chiang a inn a giak sun chia gamlak lak a hun kizang denta maita hi.Ani ahih leh ningani(Thursday) ahi a, zingkal thouphet khua honghal di uh chih thu kiza thulou halou a atek akhang chih omlou a gamlak kidenna duty loute siah huchia lungkham tak a bangchik chiah khua hongkang de aw chia dip ko hithit a ngak himai,huailai ahih leh thau hoih bangmah kinei nailou ahihmanin thau hoih nih om a huailai in M16 khat leh US Carbine khat himai adang the chu tupi thau himai huailoute lah thal(Arrow) khong himai mai,khua venzawh chu kinephuai mahmah lou himai.
Huchi’n nitak lam hong hi ta ani ahihleh 31st.July 1997ahi.KAIHLAM khua tuh khut in hongkhu luai luai tamai hi tuan a pupan alam sa gou-le-gam teng chu kang tum ahi ta mai a,ngaih tuahna chu apai sau khop mai koi lam a paidi bang chidi cihchu miteng lung kham na ahi ta mai hi, huchi in khuateng chu kang tum dimdem ahi ta mai hi,aw toupa bang dia hi chitel dia hon koih na hihiam bang a ki chi dek dek a Pathian bang kimohsa nuam zozen mai hi.Huchi in nitaklam ahong hita a nibang tumding in ahong kisa ta hi belh ding bangmah inn omnonlou ahihmanin khua a pan paina gamla sim khat kawlbuk(cave) a kibel mai hi. Huchin nituh ahong tum taktakta mai a, khua mialin vuahbang hongzu hi,ahuchihlaiin meilah kide ngamlou galte hongpai ding kilau ahihmanin dai khipkhep in ki om mai hi, naupang khat sai-le-pha theinailou chu ahong kap khiat a votsa ahi diam or thousi thouvai thuaklah hidingin ka gingta hi hucihlai in papi taltak mahmah dia I gintak khatin golmek lumun I galten honza khadi uh honchi mok chu ana mahmah mai ei huai lai a naupang sim lai ihihman in bang mah lah kigen ngamlou hi huchia haksatak in zankhovak in kizang den hi.
Huchi in zingkhua chu hongvak khongkhong a kuamah maban dingthei ki omkei hi,huchih lai in loikhat upalamte hong kihoukhawm ua I kikhak na din ikhua uah ipai dia,voksa gouin kikhenni hon chiua huchin in a inn agam a om tengteng kisam khom in kikhenna annkuang chu lui in hongom ta hi.Kua mah ann nezou le ki om manglou hi maban ding I ngaihtuah chiang a bing lotel,bangmah lah kineilou ivan teng lah kang tum ahih chianga lungdong huai mahmah mai hi huchi in akap pawl toh bangbang hiam hih pawl toh kimau vengvung mai hi.Akhenten lah khua taisanlou ding chi,akhentenlah khua ipai meng hoih ahi galte hongpai manding uh chipawl toh ataisan ut kuamah om kei hi himahlah khua a om mawkleng bang ne a omding chih chu kidotna hazel,huaiban a bang chik chiang a I gal ten hongsim non ding chih la kitheilou ahih chiang in,huchih lai in ann bang hong kine zou ta hi,Huchi in pianna vang khua KAIHLAM chu ut in ut keileng paikhiak sanding dinmun in hong omta hi.Huchi in suun dak sawn-le nih lak vel ding in kaihlam khua tuh pawtsan in hong om ta mai hi.
No comments:
Post a Comment